Musica Italiana

( Canta: Sergio Bruni )
( Autore: E. A. Mario - 1911 )

Originale in dialetto napoletano

In italiano corrente

Comme se canta a Napule t''o vvuó' 'mpará, pecché giá te n'adduone ca dint''o core va nu raggio 'e sole, sentenno na canzone. E Napule chest'è, chesto pò dá, pò dá speranze a chi nun spera cchiù, resate allère e freve 'e passione. E basta sulamente nu mandulino p'avantá 'e ttrezze belle e ll'uocchie doce, n'aria 'e ciardino, nu filo 'e voce, nu core ardente, ca, ride o chiagne, vò' sempe cantá! Canzone ca suspirano dint'a na varca o sott'a nu barcone. Canzone, allère e triste, ca ogne core se 'mpara 'e ogne stagione. E a chi è straniero, e vène o se ne va, 'o core lle dice: "Canta pure tu, ricòrdate stu cielo e sti ccanzone." E basta sulamente nu mandulino p'avantá 'e ttrezze belle e ll'uocchie doce, n'aria 'e ciardino, nu filo 'e voce, nu core ardente, ca, ride o chiagne, vò' sempe cantá! Pe' chi se canta a Napule tu 'o vvuó' sapé? P''e rrose e p''e vviole, p''o cielo e 'o mare e maje pe' fá tesore, p''ammore e p''e ffigliole. Perciò chi nasce dint'a 'sta cittá, passa cantanno tutt''a giuventù, nuttate 'e luna e matenate 'e sole. E basta sulamente nu mandulino p'avantá 'e ttrezze belle e ll'uocchie doce, n'aria 'e ciardino, nu filo 'e voce, nu core ardente, ca, ride o chiagne, vò' sempe cantá!

Come si canta a Napoli lo vuoi imparare, perchè già te ne accorgi che nel cuore entra un raggio di sole, sentendo una canzone. E Napoli questo è, questo può dare, può dare speranze a chi non spera più, risate allegre e febbre di passione. E basta soltanto un mandolino per decantare delle belle trecce e degli occhi dolci, un'aria di giardino, un filo di voce, un cuore ardente, che, ride o piange, vuole sempre cantare! Canzoni che sospirano in una barca o sotto ad un balcone. Canzoni, allegre e tristi, che ogni cuore impara in ogni stagione. E a chi è straniero, e viene o se ne va, il cuore gli dice: "Canta pure tu, ricordati di questo cielo e di queste canzoni." E basta soltanto un mandolino per decantare delle belle trecce e degli occhi dolci, un'aria di giardino, un filo di voce, un cuore ardente, che, ride o piange, vuole sempre cantare! Per chi si canta a Napoli tu vuoi saperlo? Per le rose e per le viole, per il cielo ed il mare e mai per far denari, per amore e per le ragazze. Perciò chi nasce in questa città, passa cantando tutta la gioventù, nottate di luna e mattinate di sole. E basta soltanto un mandolino per decantare delle belle trecce e degli occhi dolci, un'aria di giardino, un filo di voce, un cuore ardente, che, ride o piange, vuole sempre cantare!