L'Italia in Brasile - Musica Italiana - 'Reginella'

Te si' fatta na vesta scullata,
nu cappiello cu 'e nastre e cu 'e rrose,
stive 'mmiez'a tre o quatto sciantose
e parlave francese accussí.
Fuje ll'autriere ca t'aggio 'ncuntrata
fuje ll'autriere a Tuleto. 'Gnorsí!

T'aggio vuluto bene a te,
tu mm'hê vuluto bene a me.
Mo nun ce amammo cchiù,
ma ê vvote tu,
distrattamente,
pienze a me.

Reginè', quanno stive cu mico,
nun magnave ca pane e cerase,
nuje campávamo 'e vase. E che vase!
Tu cantave e chiagnive pe' me
e 'o cardillo cantava cu tico:
"Reginella 'o vò' bene a stu Rre".

T'aggio vuluto bene a te,
tu mm'hê vuluto bene a me.
Mo nun ce amammo cchiù,
ma ê vvote tu,
distrattamente,
parle 'e me.

Oje cardillo, a chi aspiette stasera?
Nun 'o vvide, aggio aperta 'a cajuóla,
Reginella è vulata, e tu vola!
Vola e canta, nun chiagnere ccá.
T'hê 'a truvá na padrona sincera
ch'è cchiù degna 'e sentirte 'e cantá.

T'aggio vuluto bene a te,
tu mm'hê vuluto bene a me.
Mo nun ce amammo cchiù,
ma ê vvote tu,
distrattamente,
chiamme a me.

Ti sei fatto un vestito scollato,
un cappello con i nastri e con le rose.
stavi in mezzo a tre o quattro "sciantose",
e parlavi francese così.
Fu ieri l'altro che ti ho incontrata.
Fu ieri l'altro, a Toledo.Sissignore!.

Io ho voluto bene a te,
Tu hai voluto bene a me.
Ora non ci amiamo più,
ma a volte tu
distrattamente
pensi a me.

Reginella, quando stavi con me
non mangiavi che pane e ciliegie,
noi vivevamo di baci. E che baci!
Tu cantavi e piangevi per me
e il cardellino cantava con te:
"Reginella vuole bene a questo Re".

Io ho voluto bene a te,
Tu hai voluto bene a me.
Ora non ci amiamo più,
ma a volte tu
distrattamente
parli di me.

Cardellino, a chi aspetti questa sera?
Non lo vedi, ho aperto la gabbia.
Reginella è volata, e tu vola!
Vola e canta, non piangere qui.
Ti devi trovare una padrona sincera
che è più degna di sentirti cantare.

Io ho voluto bene a te,
Tu hai voluto bene a me.
Ora non ci amiamo più,
ma a volte tu
distrattamente
chiami me.